माझे इवले गोकुळ .. 

माझ्या इवल्याश्या संगे रंगे  इवले गोकुळ.. माझे इवले गोकुळ . ।
जातो कसा बाई वेळ अस्सा चोरपावलाने || धृ ।।


त्याच्या पावलात  माझा जीव मागे घुटमळे ।
जात कामाला  बाहेर कानी वाजती ग वाळे ।।१।।


त्याचे लाघव आठवे , हसू  गालावर खेळे ।
काम राहिले बाजूला माझे पाझरले डोळे ।।२।।


बाळ बसता अंगणी  पसरून खेळ सारे ।
माझ्या घरात सुखाचे बाई वाहती ग वारे ।।३।।


माझ्या इवल्याश्या संगे रंगे  इवले गोकुळ.. माझे इवले गोकुळ .. ।
जातो कसा बाई वेळ अस्सा चोरपावलाने ||

सौ. विस्मयी बोकील.