सात रंगाचे धनुष्य

 सात  रंगाचे  धनुष्य  आई  आकाशात  आले 

चल चल लवकर  पळ  चल  लवकर लपून  कसे  बघ    गेले ||धृ ||

टप टप  टप टप  पडतो  पाऊस,  ऊन हि  त्याच्या  मागून धावे 

किती मस्ती  हि  ओरड  त्यांना,  गुपचूप  त्यांना  सांग  बसावे ||1||

बोलवती  मज  खेळायला,  जाऊ कां ग  त्यांच्या  संगे 

छान किती  बघ  रंग  त्यातले, लपंडाव  हा अवघा रंगे ||2||

अभ्यास बिभ्यास  नको ग  आत्ता , तुझी नि  माझी  करूया  बट्टी 

पावसात  चल  मस्त  भिजूया ,  शाळेलाही  पडली सुट्टी ||3||

सौ.  विस्मयी  भावे - बोकील.